February 2022 Newsletter

【✨2022年2月newsletter✉️】

2月newsletter隆重登場！今次我哋集齊咗10多間裸買店嘅最新推廣，整合哂喺度大家就知有咩新嘢荀嘢啦！想詳細知道裸買店嘅地址、點去、售賣產品等資料，記住去我哋網站搵啦！Link in Bio

@colourfansstore 控色百貨

香港老字號麵廠咁多間，你試勻哂未😏蝦記麵廠五十幾年歷史，有好多出名嘅口味😎蝦記喺少數地方先有得買，試過永樂鏡記嘅不妨都嚟試吓佢哋嘅蝦記麵，仲順便可以裸買其他護理用品㖭😉 詳情可向Colour Fans Store查詢👀

@commonroom.337社區小客廳

禁堂食買外賣都要環保♻️Agooday Pockeat環保食物袋品有哂唔同size適合裝各款食物🍱唔用收起又方便易帶，點可以唔入手🤩依家仲有新年限定4款福袋✨傳統嘢、新潮嘢都有，仲有靚靚風呂敷布包裝好，有心意又夠環保，十萬個like😍詳情可向Common Room 337查詢👀

@gardenartemis 樂庭

無得去旅行，唯有食吓當地野咪當去咗先囉😅埃及椰棗"Dates Me" 由埃及出產，無添加糖，食落好甜但又唔係人工甜好膩嗰種（小編真係食過！正嘢🤪）食完個盒可以俾返樂庭俾返供應商重用，環保就係咁簡單🤩詳情可向Garden Artemis 樂庭查詢👀

@greenbitchhk

最近疫情反覆，想快速有效消毒日用品，點可以唔買返個Oconnor紫外線消毒袋😏可洗可摺可重用又容易帶出街😉從此出街都可以輕鬆消毒😎詳情可向Green Bitch查詢👀

@green_corner_hk 綠式

Party 之選-Simplebuckle嘅摺摺餐具為經常開party/野餐嘅你節省空間😎啪一啪個扣就由平面變做立體碗碟杯🤩用前同用後容易收藏，攤開清洗簡單，野餐定party都一流🥳快啲去Green Corner入手八款唔同花款😍詳情可向Green Corner查詢👀

@greenersfusion 綠領駅

上次聖誕節package咁吸引，今次嘅新年福袋都唔輸蝕🤩「福綠壽」三款福袋，可以有麵餅、蜜糖、花茶等😋️記住帶自己容器嚟買福袋，源頭減廢，走包裝去裸買！OUSH💪詳情可向綠領駅查詢👀

@loopstore.hk 環圓生活

Loop Store將會陸續同本地不同牌子有聯乘活動🤝今個二月就有同Hyo_florist 合作推出嘅情人節 Double Happiness 甜蜜套裝💕套裝包括乾花束同Lasty環保食物袋🤓呢份象徵住可持續、長久嘅禮物梗係要買返份送俾情人啦😚詳情可向Loop Store查詢👀

@organic_we 對得住地球基地

素食產品咁健康，新一年送禮點少得素食新春禮盒😤多款本地品牌有果乾、花茶、食品等，為大家送上素食之選🤩無論你揀五虎臨門套裝定十全十美套裝，送禮定自用都正正正🥳詳情可向Organic We查詢👀

@pawsandclaws_hk x 知慳惜儉

無咗堂食大家多咗喺屋企煮飯，對自己同屋企人皮膚好啲點可以唔揀啲天然嘅清潔用品呢😤由食物廢油製成嘅洗碗梘、洗碗液夠哂天然、減少水污染、成份溫和、去油力強💪配合埋麻質起泡網、全竹洗碗布，掂掂掂🤪詳情可向知慳惜儉查詢👀

@pimaryhk

虎年新春禮盒報到😎新春果仁禮盒有6款健康果仁，送禮又得擺全盒又得😋草本茶飲禮盒有法式伯爵茶同蜜糖，啱哂親朋戚友吹水嗰陣飲住傾🤩健康伴麵禮盒有麵、調味醬、葡萄牙魚罐頭，一試煮麵新口味😍詳情可向Pimary查詢👀

@presentlivinghk 日常豊作

唔使去花墟迫都仲有好多渠道可以買到年花😌嚟日常豊作可以俾你裸買年花，信芯園嘅百合同劍蘭都靚到嘩嘩聲🤩佢哋仲有黃牙白、裸買蘿蔔糕同埋可回收器皿嘅年糕、新春版大杯茶等各式各樣產品，帶定容器去買啦喂😉詳情可向日常豊作查詢👀

@seed_hongkong 點籽

送禮諗爆頭🤯？交俾點籽嘅小二幫你度掂佢😎多款應節賀年禮品俾你選擇，想要食品定清潔用品定環保產品，通通都有😉幫你諗送禮之餘幫埋你推動環保，諗咩吖🤨去點籽就會有諗頭㗎啦😏詳情可向點籽查詢👀

@thebulkshoppers

大掃除就到，有Dr Bronner's Liquid Castile Soap 可以幫全屋嚟個大清洗，一支就有成18個用途😱拖地、抺窗、洗衫都得，仲有唔同味道😎未聽過未試過？快啲攞容器去買啲試試佢底細😏PS 記得支持埋佢哋嘅本地種植白蘿蔔&椰菜😍詳情可向The BulkSHoppers查詢👀

@toneedshed 同里舍

自家本地嘢向來都高質😋同里舍每星期嘅本地菜訂購有多款選擇🤩識環保嘅你點可以唔揀低碳高質本地菜🥬PS佢哋仲有酸種麵包同有機花生糖訂購喔😉詳情可向同里舍查詢👀

@zam.everywhere 四圍斟

今次四圍斟pop-up喺荃新天地一期俾大家選購超過40款個人護理用品同清潔用品😎商場會員仲可以用積分換野😌今次冇藉口唔踏出裸買嘅第一步啦😏pop-up由1月22日開至2月13日，每日11am-9pm，攞齊容器GOGOGO💃詳情可向四圍斟查詢👀

字數有限，想知更多去我哋網站啦🤣

Recent Posts