【2022年7月newsletter】

正式進入左7月呢個炎炎夏日☀️，等我哋裸Jigsaw繼續為大家介紹多間裸買店嘅產品同活動啦！

Blendit

全新推出嘅Detox smoothie依家有埋預Blend 服務好吸引🤤Smoothie Detox幫大家攝取多啲蔬果，再加上functional superfood powder補充營養及增強排毒效果💪；即使唔用Smoothie，喺日常飲食中加入具排毒功效的powder，食多D蔬果，都可以做到detox的效果！健康嘅你快啲去試下😚詳情可向Blendit 查詢

Colour Fans Store 控色百貨

新入貨嚟自秘魯嘅三色藜麥對身體非常有益🥰佢係非基因改造而且無麩質，蘊含豐富膳食纖維，有助減低患大腸癌風險同有助心臟健康🫀佢仲有齊人體必須嘅九種胺基酸同埋係低GI食物，係控糖人士嘅好選擇🧂歡迎自備容器去買所需份量試下！詳情可向控色百貨查詢

Common Room 337 社區小客廳

九龍城街坊訂菜嘅選擇愈嚟愈多啦🥳Common Room 337同東北菜檔合作🤝多咗好多唔同農場嘅各款農作物俾你訂購！想JOIN每兩星期一次嘅訂菜嘅你，只需喺該星期六中午或之前預訂，星期日就可以拎到架啦，你仲可以WALK-IN買菜添🥬詳情可向Common Room 337查詢

Everyone Eco HK 知慳識儉

Mil mill產品又返貨啦！Mil Mill洗衣球由天然酵素濃縮製成🧺，洗衣球膠膜遇水後會完全分解，整個產品使用時不會產生任何垃圾，仲係以裸買形式出售，要幾多買幾多。而再造紙巾由香港回收紙包飲品盒再造而成，比起傳統紙漿製造出嚟嘅紙巾環保得多♻️有得揀梗係揀Mil Mill啦！詳情可向知慳惜儉查詢

Garden Artemis 樂庭

工作坊終於返嚟啦！同 @melon.flower.hk 合作嘅綠苔球、生態瓶製作工作坊可以喺7月3號同29號體驗到🌳用雙手感受泥土，配搭你喜歡嘅植物，利用苔蘚包裹成一個可愛嘅植物小星球，又或者以蕨類、草本植物和苔蘚，裝飾製作微觀生態瓶，打造屬於你嘅小森林🪴工作坊嘅詳情可向Garden Artemis 查詢

Green Corner 綠式

唔少人都會問露兜樹根刷應該用嚟洗咩？用到幾時要替換🕑？Green Corner店主親試用露兜樹根刷洗鑊粗用咗1年半之後，出現損耗同失去彈性嘅情況而需要更換，如果用嚟洗碗碟又保養得宜嘅話，可以用得更長時間🗓！露兜樹根刷天然又耐用，咁抵用真係難以抗拒吖！🤩詳情可向Green Corner查詢

Loop Store 環圓生活

整甜品整好西成日用唔哂舊Cream cheese，雪櫃剩低嗰少少又唔夠整下一次，買多舊嚟整又太多，進退兩難！😖不過你有冇諗過cream cheese 🧀都可以裸買？一於嚟西灣河Loop Store, 食幾多買幾多，咁就解決哂啲煩惱又唔會浪費啦 ！😆詳情可向Loop Store查詢

Move A Little...

位於赤柱廣場嘅move a little…係一家鼓勵消費者逐步實踐環保、可持續生活嘅商店♻️店內有多種有機及健康食品、日常用品，仲有唔少貨品以裸買形式出售，想買幾多就幾多，配合埋可回收重造嘅用具用品，就可以因應自己能力逐步逐步為環境出一分力😎！快啲去move a little…睇下啦！詳情可向move a little…查詢

Pimary

Pimary 自家品牌嘅 Caffé Pimary 冷萃咖啡出世了！👶🏻佢哋嘅冷萃咖啡有三款不同的口味，每款咖啡豆都係精挑細選出嚟☕️為咗確保每批嘅品質及堅持不添加防腐劑，佢哋嘅咖啡係每星期新鮮浸泡💫所以每星期只能小批量限量發售 ，有興趣就要試試啦！詳情可向Pimary 查詢

Seed 點籽

點籽新返貨品！嚟自澳洲嘅 ISecret Life iHate 驅蟑螂噴霧成分天然，只需連續五日噴於曱甴出沒嘅地方🔄輕鬆易用仲人寵無害，適合所有家庭使用🏡另外仲有DAY DAY SOAP 日日梘嘅天然蜂蠟驅蟑螂磚 ，無須燃點，自然揮發香味，驅趕曱甴，對於驅蚊驅蟻都有效架♨️詳情可向點籽查詢

The BulkSHoppers

洗頭、沖涼日常習慣，少不免產生瓶瓶罐罐。有無諗過可以帶回舊樽refill返佢哋🤔？最近連洗衣球、洗髮水、護髮素都可以喺The BulkSHoppers搵到啦！外國/本地品牌、有機/天然都有🙌！嚟緊7月15-31日(其中幾日)The BulkSHoppers仲會喺太和廣場嘅慢活大埔 - 綠色好物市集出現喔！😎詳情可向The BulkSHoppers查詢

Toneedshed 同里舍

三點水團購等緊你落單阿喂！😍 茶燻溏心蛋、獨特芳香秘製滷鳳爪（微辣）、佐酒必備煙燻雞腎、新鮮古法煙燻太爺雞、 手工琥珀合桃、養生棗椰糕，聽個名都lamlamli😋，記住留意佢哋嘅截單時間啦！仲有本地牌子嘅包、花生醬、花生糖同埋防曬嘅團購！🤩詳情可向同里舍查詢

Zam Everywhere 四圍斟 X YI-CYCLE

YI-CYCLE 將於7月正式承接四圍斟，繼續環保裸買的方式，希望一齊向源頭減廢出發♻️店舖地址冇變，而營業時間就要留意IG FB嘅更新啦✨佢哋推出全新嘅裸買裸買卡，每次購物滿$50 就有1個印仔，滿10個就會送出當月產品🥳詳情可向Yi-cycle 查詢