【May 2022 Newsletter】

【2022年5月newsletter】

嚟到5月嘅媽媽節重頭戲💐小編繼續搵嚟十幾間裸買店嘅環保好主意俾大家🥳貼地嘅裸買商品肯定啱哂你哋高貴大方又知慳識儉嘅媽媽s🙆🏻‍♀️🙆🏻‍♀️仲唔快啲帶佢進入裸買嘅新世界！🤩

@blendithk

Blendit有限度恢復試食啦！Blendit希望大家試啱先好買，bagel (星期一/二/五), superfood powder呢啲裸買產品都可以試食🤤試啱再入貨！今個月帶埋媽媽同容器去Blendit試吓健康嘅bagel同superfood powder答謝媽媽啦😘詳情可向Blendit查詢

@colourfansstore

控色百貨又有新加入嘅裸買產品啦👏佢哋嘅檸檬酸同梳打粉都可以按自己需求裸買適合嘅份量⏲減少包裝垃圾之餘又唔使擺一大堆清潔用品喺屋企嘥位！屋企有污垢或者除臭需要，用佢哋就啱哂👍詳情可向Colour Fans Store 查詢

@Commonroom.337

黎緊母親節，Common Room 337嘅蜂蜜花粉禮盒就最啱用嚟送俾最愛嘅母親🫶入面包括花粉、龍眼原蜜同埋蜜匙，全部都係女性養顏保健之物🥰買嚟報答母親毫不吝嗇嘅愛簡直係不二之選💋詳情可向Common Room 337查詢

@green_corner_hk

悅和特級醬油（生抽）裸買裝抵達Green Corner🆕依家買醬油仲使乜成大支買返去要幾多買幾多🙅🏻‍♀️🙅🏻‍♂️，試啱口味先再入貨，記住自備容器嚟買啦！同場加映悅和白醋另類裸買，按樽形式，器皿循環再用。悅和醬園係香港嘅老字號，有哂品質保證💯詳情可向Green Corner查詢

@Greenersfusion

綠領駅推出限時優惠！每買滿$100可加$20換購紫菜麵/全蛋麵🍜；買滿$400可加$60換購物理防曬1支/加$30換購香體膏1支；中式餅🍪買3送1！優惠活動去到5月31號，記住把握機會啦！🏃‍♀️🏃💨詳情可向Greeeners Fusion查詢

@groundworks.sjs

土作坊同藍屋聯乘推出小盆栽套裝🪴入面包括癲噹X藍屋外型花盆、貓燕麥草種子包、盆栽花泥包🪴仲有土作坊嘅有機花生糖（所得收益扣除成本後會投放喺文化保育同社區參與活動上）佢哋等緊你帶佢返屋企啊🏡詳情可向土作坊查詢

@loopstore.hk

當造嘅越光米由日本直送嚟香港先至精米✈️保證粒粒皆新鮮！喺Loop Store越光米仲可以裸買，屋企要幾多就買幾多，唔怕買完大大包食唔晒，買少少返去試吓又得😉攞埋食物盒去買越光米啦📥詳情可向Loop Store查詢

知慳惜儉

本地製嘅蝶豆花乾同金針乾都可以裸買😎蝶豆花有豐富嘅花青素，對眼睛有保健作用👀而金針乾用嚟整金針雲耳蒸雞就最適合😋未試過？嚟裸買所需份量返屋企試下啱唔啱口味啦✅詳情可向知慳惜儉查詢

@Pimaryhk

ChariTea無糖冷泡茶用咗斯里蘭卡有機茶葉沖製🌱有6種口味俾大家揀，好味得嚟又健康！ChariTea用嘅茶葉仲係公平貿易產品，每一支都係支持緊可持續農業發展🌾味道同理念都值得支持🙌詳情可向Pimary查詢

@presentlivinghk

日常豊作同嚟自粉嶺、上水蕉徑嘅農夫合作，為大家由農田直送本地菜🥬🥦每款都有唔同農夫嘅特色。以農夫為中心，以菜嘅特色、味道，認識農夫，認識佢哋照顧嘅土地，嚐菜説故事🧑🏾‍🌾👨🏾‍🌾記得mark實星期三同六上日常豊作嘅網頁訂菜啦📆詳情可向日常豊作查詢

@seed_hongkong

點籽引入咗嚟自台灣嘅Queen & Baby有機彩棉絨布衞生巾，可以減少敏感部位同出現紅腫、異味同痕癢嘅機會，喺悶熱嘅夏天🥵就唔使怕私密部位唔舒服🆒清洗簡單🧺又可以減少月事產生嘅垃圾！詳情可向點籽查詢

@thebulkshoppers

今次推介嘅多款二澳醬由二澳農作社推出，佢哋喺2013開始復耕，推廣本地農物同環保生態🌿有二澳醬，人人都可以做大廚👩‍🍳👨‍🍳依家兩瓶散裝仲可享9折優惠，優惠期去到5月31日⏱詳情可向The BulkSHoppers查詢

@toneedshed

嚟同里舍可以以裸買形式選購多款花茶、茶葉☕️包括黑糖薑茶、玫瑰花乾、蝶豆花乾、洛神花乾、綠茶、玄米茶、伯爵茶、威士忌酒茶、萬壽菊，每日都可以孝敬母親飲唔同味道嘅茶🍵俾母親嘆吓終極養生嘅樂趣😌唔好唔記得仲有白龍王粟米訂購！詳情可向同里舍查詢

@zam.everywhere

護膚品都可以擺脫包裝啦！四圍斟嘅永久花保濕液同抗炎蘆薈都注入咗收集得嚟嘅再生容器🔄仲有細樽試用裝等大家試完再買，方便顧客又減少包裝垃圾♻️買樽返去慰勞各位媽媽啦🛒店內當然仲有其他裸買產品歡迎嚟體驗吓裸買啊！詳情可向四圍斟查詢

如果你知道更多裸買店嘅資料，歡迎DM報料📥

Recent Posts